Áfram í varðhaldi vegna innbrota í tugi sumarbústaði

Tveimur ungum mönnum sem hafa verið í gæsluvarðhaldi grunaðir um að hafa brotist inn í tugi sumarbústaði í Grímsnesi, Borgarfirði, Dölunum og á Þingvöllum í maí hefur verið sleppt úr haldi. Þriðji maðurinn, sem jafnframt er sá elsti hópnum verður haldið lengur í gæsluvarðhaldi vegna hagsmuna rannsóknarinnar en einangrun hefur verið aflétt, að því er fram kemur í tilkynningu frá lögreglunni á Selfossi. Fjórði aðilinn, sem er 15 ára, hefur alfarið verið undir umsjón barnaverndaryfirvalda.

Í tilkynningunni kemur fram að rannsókn lögreglu gengur vel. Í gær aðstoðuðu lögreglumenn í sérsveit Ríkislögreglustjóra við að leita að tveimur stúlkum sem tengdust málinu. Þær fundust á höfuðborgarsvæðinu og voru færðar til yfirheyrslu á Selfossi. Þær eru nú frjálsar ferða sinna.