Gylfi Einarsson aftur heim í Fylki

Gylfi Einarsson er á leiðinni heim í Árbæinn en þetta kemur fram á vefsíðunni fótbolta.net. Gylfi er búinn að vera í atvinnumennsku í tíu ár eða síðan að hann fór til Lilleström eftir frábæra frammistöðu sína sumarið 2000.

„Ég á eftir að skrifa undir en þetta er komið langt á veg allavega. Það voru aðrir möguleikar í stöðunni en mér fannst það rétta í stöðunni að fara í Fylki. Mig langar að fara þangað og reyna að rífa þetta aðeins upp þar," sagði Gylfi í viðtali við fótbolta.net.

Gylfi er orðin 31 árs gamall og lék síðast með norska liðinu Brann. Hann hefur ekki fengið neina tækifæri með liðinu og er því á heimleið.

Gylfi skoraði 10 mörk í 20 úrvalsdeildarleikjum fyrir Fylki á sínum tíma en liðið endaði í 2. sæti þegar hann spilaði síðast í Árbænum fyrir tíu árum.