Innkoma Delta á flugmarkaðinn jákvæð tíðindi

Það eru jákvæð tíðindi fyrir íslenska ferðaþjónustu að bandaríska flugfélagið Delta ætli að hefja flug á milli New York og Íslands á næsta ári, segja forsvarsmenn Icelandair og Iceland Express. Express lítur ekki á Delta sem keppinaut. Aðrir ættu að hafa áhyggjur, segir framkvæmdastjóri Express.

Upplýsingafulltrúi Icelandair og framkvæmdastjóri Iceland Express eru sammála um að það að bandaríska flugfélagið Delta ætli að hefja flug á milli New York og Íslands á næsta ári muni stækka markaðinn, íslenskri ferðaþjónustu til góða.

Matthías Imsland, framkvæmdastjóri Iceland Express, segir að þetta komi Íslandi á kortið. Bæði íslensku flugfélögin fljúga til New York.

Gefum Guðjóni Arngrímssyni, upplýsingafulltrúa Icelandair, segir að fyrirtækið þekki markaðinn vel. „Við höfum náttúrulega verið að fljúga til og frá New York áratugum saman og treystum okkur ágætlega í alla samkeppni á leiðinni og fögnum bara aukinni samkeppni."

Matthías Imsland forstjóri Iceland Express segist ekki óttast samkeppnina við Delta og hafi ekki áhrif á samsetningu farþega þeirra. „En það eru kannski einhverjir aðrir á markaðnum sem hefðu meiri áhyggjur."