Tilfinningaþrungin stund fyrir Cudicini

Ítalski markvörðurinn Carlo Cudicini segir að það hafi verið tilfinningaþrungin stund er hann kom aftur inn í lið Tottenham í fyrsta skipti eftir meiðsli sem hefðu getað bundið enda á feril hans.

Cudicini missti næstum af öllu síðasta tímabili þar sem hann slasaðist illa í mótorhjólaslysi. Báðir úlnliðirnir brákuðust í slysinu meðal annars.

Cudicini spilaði seinni hálfleikinn gegn Young Boys í Meistaradeildinni eftir að Gomes hafði meiðst.

"Það tók á tilfinningarnar að koma aftur en ekkert meira en það. Ég vorkenndi Gomes en að sama skapi var gott fyrir mig að fá tækifæri.

"Ég hef lagt slysið til hliðar og horfi björtum augum til framtíðar," sagði markvörðurinn.