Sonurinn ekki erfðaprins í Norður-Kóreu

Kim Jong-il leiðtogi Norður-Kóreu hefur neitað því að hann ætli að láta yngsta son sinn taka við embættinu þegar hann fellur frá.

Jimmy Carter fyrrverandi forseti Bandaríkjanna upplýsir um þetta á heimasíðu sinni. Carter átti nýlega fund, ásamt öðrum, með Wen Jiabao forsætisráðherra Kína.

Carter segir að forsætisráðherrann hafi komið þeim á óvart með því að segja þeim frá þessu. Kim Jong-il heimsótti Kína nýlega og þá kom þetta til umræðu.

Jiabao sagði að Kóreumaðurinn hafi sagt að þetta væri orðrómur sem komið hefði verið af stað á Vesturlöndum. Hann væri tilhæfulaus með öllu.