Bobby Zamora búinn að gera samning við Fulham til 2014

Bobby Zamora, framherji Fulham, er búinn að gera nýjan fjögurra ára samning við félagið sem gildir til ársins 2014. Zamora fór á kostum með Fulham á síðasta tímabil þar sem hann skoraði 19 mörk og hjálpaði liðinu að komast í úrslitaleik Evrópudeildarinnar og ná tólfta sætinu í ensku úrvalsdeildinni.

Hinn 29 ára gamli Bobby Zamora lék sinn fyrsta A-landsleik á móti Ungverjum í vináttulandsleik í ágúst en hefur ekki spilað að undanförnu vegna meiðsla á mjöðm. Hann missti þess vegna af leikjum Englands við Búlgaríu og Sviss í undankeppni EM.

Zamora hefur verið í herbúðum Fulham síðan að hann kom þangað frá West Ham í júlí 2008. Hann kostaði Fulham 4.8 milljónir punda og hefur 26 mörk í 94 leikjum í búningi Fulham-liðsins.