„Einhverjir alveg að missa sig í spunanum“

29. desember 2010 08:34

Sigmundur Davíð Gunnlaugsson, formaður Framsóknarflokksins, segist hafa séð nokkrar furðufréttir að undanförnu. Í gær spurðist af þreifingum um mögulega aðild Framsóknarflokksins að ríkisstjórninnni. Sigmundur gefur lítið fyrir það á samskiptavefnum Facebook. „Nú eru einhverjir alveg að missa sig í spunanum. Búinn að sjá nokkrar furðufréttir," skrifar formaðurinn.

Eins og Fréttablaðið greindi frá í gær telur Lilja Mósesdóttir ekki útilokað að hún segi skilið við þingflokk Vinstri grænna vegna djúpstæðs ágreinings. Mikil ólga er innan þingflokksins eftir að þrír þingmenn sátu hjá við afgreiðslu fjárlagafrumvarpsins fyrir jól. Fari svo að þremenningarnir segi sig úr þingflokknum mun ríkisstjórnin njóta stuðnings 32 þingmanna sem er minnsti mögulegi meirihluti á Alþingi.

Gunnar Bragi Sveinsson, þingflokksformaður Framsóknarflokksins, sagði í samtali við Vísi í gærmorgun að hugsanleg þátttaka Framsóknarflokksins í ríkisstjórn með núverandi stjórnaflokkum ekki hafa verið rædda á milli flokka. „Þetta hefur ekki verið rætt, ekki með formlegum hætti og ekki þreifað á því. En maður veit svo sem ekki hvað einstakir þingmenn eru að tala um milli hinna ýmsu flokka," sagði Gunnar Bragi.

Tengdar fréttir

Ólíklegt að breyting verði á samstarfinu - fréttaskýring

Ríkisstjórnin veiktist mjög við hjásetu þriggja þingmanna VG við afgreiðslu fjárlaga og enn eftir að Lilja Mósesdóttir upplýsti í Fréttablaðinu í gær að hún væri að íhuga að segja sig úr þingflokki VG.

29. desember 2010 06:00

Spyr hvort hjásetan hafi verið þvingunaraðgerð

Árni Þór Sigurðsson, starfandi formaður þingflokks Vinstri grænna, spyr hvort hjáseta þriggja stjórnarþingmanna við afgreiðslu fjárlaga sé þvingunaraðgerð til að knýja ríkisstjórn og meirihluta hennar til að breyta um stefnu, í nýrri greinargerð sem fréttastofa hefur undir höndum

23. desember 2010 18:37

Mál þremenninganna rætt á þingflokksfundi

Ágreiningur sem uppi er innan Vinstri grænna verður ræddur á þingflokksfundi í næstu viku. Hart hefur verið deilt innan flokksins eftir að þrír þingmenn VG sátu hjá við afgreiðslu fjárlagafrumvarpsins fyrr í mánuðinum.

28. desember 2010 10:21

Lilja íhugar að segja sig úr þingflokki VG

Lilja Mósesdóttir, þingmaður VG, furðar sig á viðbrögðum flokksforystunnar við hjásetu hennar, Atla Gíslasonar og Ásmundar Einars Daðasonar, við afgreiðslu fjárlaga fyrr í mánuðinum. Hún telur þau hörð og ekki til sátta fallin. Vísar hún til skrifa Árna Þórs Sigurðssonar, starfandi formanns þingflokksins, og Steingríms J. Sigfússonar formanns. Hún segir að svo kunni að fara að í það minnsta hún segi sig úr þingflokknum.

28. desember 2010 06:00

Framsóknarflokknum boðið atvinnumálaráðuneyti

Þingmenn innan Vinstri grænna og Samfylkingarinnar, hafa boðið Framsóknarflokknum nýtt atvinnumálaráðuneyti, sem verður til við lagabreytingu 1. mars næstkomandi, gangi Framsókn inn í viðkvæmt meirihlutasamstarf.

28. desember 2010 20:54

Framsókn mun ekki taka þátt í núverandi stjórnarsamstarfi

Hugsanleg þátttaka Framsóknarflokksins í núverandi ríkisstjórnarsamstarfi hefur ekki verið rædd á milli flokka, segir Gunnar Bragi Sveinsson, þingflokksformaður Framsóknarflokksins.

28. desember 2010 10:48

Ögmundur segir of snemmt að spá fyrir klofningi VG

Lilja Mósesdóttir íhugar að segja sig úr þingflokki Vinstri grænna vegna þeirrar gagnrýni sem hún hefur þurft að þola eftir að hún sat hjá í atkvæðagreiðslu um fjárlagafrumvarpið. Ögmundur Jónasson, dómsmálaráðherra, segir of snemmt að spá fyrir um hvort Vinstri grænir séu við það að klofna.

28. desember 2010 12:03