Fagna snjónum í Bláfjöllum

Færð var þung víða um land í gær, en verst var ástandið undir Hafnarfjalli og í Borgarfirði. Undir Hafnarfjalli lentu bílar í alvarlegum vandræðum í gærkvöld, enda var skyggni þar nánast ekkert.

Í Bláfjöllum fögnuðu menn hins vegar snjókomunni, þótt erfitt hafi verið að sjá hvernig ástandið yrði þar vegna þess hve blint veðrið var.

„Það er nú varla komið nóg í brekkurnar," sagði Magnús Árnason, framkvæmdastjóri skíðasvæðisins í Bláfjöllum, um snjókomuna í gær. „En við erum bjartsýn, það er spáð snjókomu áfram."

Veðurstofan spáir svipuðu veðri áfram í dag, en þó verður snjókoman heldur minni. - gb