Allt að 25 Íslendingar í Chile

27. febrúar 2010 14:59

Frá höfuðborginni Santiago. Mynd/AP Mynd/AP

Ábendingar hafa borist til utanríkisráðuneytisins um allt að 25 Íslendinga í Chile en geysiöflugur jarðskjálfti reið yfir landið í morgun. Sjö Íslendinganna hafa náð að láta vita af sér en engar fregnir hafa borist af hinum 18, að sögn Urðar Gunnarsdóttur upplýsingarfulltrúa ráðuneytisins.

Skjálftinn mældist 8,8 stig og er vitað að minnst 82 manns fórust. Óttast er að sú tala eigi eftir að hækka verulega og hefur forseti landsins lýst yfir neyðarástandi.

Talið er að sex Íslendingar hafi verið í borginni Consepcion en upptök skjálftans voru um 90 kílómetra norðaustur af henni. Tveir þeirra eru á vegum Landhelgisgæslunnar en verið er að smíða varðskipið Þór í borginni. Að sögn Georgs Lárussonar, forstjóra Landhelgisgæslunnar, eru bandaríska sendiráðið og sjóherinn í Chile að aðstoða við að hafa upp á Íslendingunum.

Flóðbylgjuviðvörun hefur verið gefin út fyrir Hawaii, Ástralíu, Nýja Sjáland, Mið-Ameríku og Kyrrahafseyjar. Á Páskaeyju hafa íbúar verið fluttir frá ströndinni og upp í hæðir. Höfuðborg Chile, Santiago, er 320 kílómetra frá upptökunum, og þar hrundu byggingar. Þá urðu það miklar skemmdir á aðalflugvelli borgarinnar að búist er við að hann verði lokaður í sólarhring.

Tengdar fréttir

Íslendingar í Chile

Utanríkisráðuneytinu er kunnugt um fjóra Íslendinga í Chile þar á meðal á vegum Landhelgisgæslunnar. Öflugur jarðskjálfti upp á 8,8 á Richter skók landið í morgun. Ekki er vitað hvort Íslendingarnir hafi verið á skjálftasvæðinu.

27. febrúar 2010 11:00

Tala látinna fer hækkandi í Chile

Tala látinna eftir öflugan jarðskjálfta sem reið yfir Chile í morgun fer hækkandi og segja nýjustu tölur að rúmlega sextíu hafi farist. Skjálftinn var átta komma átta á Richter. Utanríkisráðuneytið hefur upplýsingar um að minnsta kosti fjóra Íslendinga í landinu. Engar fréttir hafa borist af þeim í morgun.

27. febrúar 2010 12:16

Öflugur jarðskjálfti í Chile

Talið er að minnsta kost sex hafi látist og fleiri slasast í öflugum jarðskjálfta upp á 8,8 á Richter sem skók Chile í Suður Ameríku í morgun. Þetta er stærsti jarðskjálftinn sem hefur riðið yfir landið í 25 ár. Óttast er að fleiri hafi látist og slasast en tölur um það eru á reiki.

27. febrúar 2010 09:42

Mest lesið

Fleiri fréttir