Skulda meira en önnur lið samanlagt

Áhyggjur af fjárhagsstöðu enskra fótboltaliða hafa aukist enn frekar eftir nýútgefna skýrslu frá UEFA. Í henni kemur fram að liðin í ensku úrvalsdeildinni skulda meiri pening en öll önnur lið í helstu deildum Evrópu gera samanlagt.

Skuldir ensku liðanna eru hærri en nokkru sinni en þar eru Portsmouth og West Ham í mesta vandanum. Þau félög voru ekki með í skýrslunni þar sem þau stóðust ekki leyfiskerfi UEFA vegna fjárhagsvandræða sinna.

Enska úrvalsdeildin fær meiri pening en nokkur önnur deild í gegnum sjónvarpstekjur og önnur markaðsmál. Þrátt fyrir þá staðreynd eru ensku liðin mörg hver ansi skuldug. Þau hafa reitt sig mikið á lán frá bönkum og eigendum félaganna.