Þjálfaramálin að skýrast í Pepsi-deild karla fyrir sumarið 2011

Nær öll félög í Pepsi-deild karla hafa gengið frá þjálfaramálum sínum fyrir næsta sumar en þetta kom fram í kvöld í úttekt á stöðu þjálfaramála félaganna í kvöldfréttum Stöðvar 2. Það stefnir í að Valur verði eina félagið sem skiptir um þjálfara milli tímabila en Fram og ÍBV hafa reyndar ekki gengið frá sínum þjálfaramálum ennþá.

Breiðablik, Víkingur og Þór Akureyri gengu öll frá framlengingu á samningi við sína þjálfara í dag og bættust þar með í hóp sex liða sem höfðu staðfest það að þjálfarar þeirra haldi áfram.

Fram og ÍBV eru einu liðin sem hafa ekki gengið endanlega frá sínum þjálfaramálum en Þorvaldur Örlygsson verður líklega áfram hjá Fram og það er vilji hjá Eyjamönnum að Heimir Hallgrímsson haldi áfram sínu frábæra starfi í Eyjum.

Samkvæmt þessu verða valsmenn líklega eina liðið sem skiptir um þjálfara en á sunnudagskvöldið var það tilkynnt að Gunnlaugur Jónsson myndi hætta á Hlíðarenda og að Kristján Guðmundsson tæki við liðinu.

Þjálfarar í Pepsídeild karla 2011

Valur - Gunnlaugur Jónsson hættur - Kristján Guðmundsson tekur við

Breiðablik - Ólafur Kristjáns verður áfram

FH - Heimir Guðjónsson verður áfram

KR - Rúnar Kristinsson verður áfram

Keflavík - Willum Þór Þórsson verður áfram

Fylkir - Ólafur Þórðarson verður áfram

Grindavík - Ólafur Örn Bjarnason verður áfram

Stjarnan - Bjarni Jóhannsson verður áfram

Víkingur - Leifur Garðarson verður áfram

Þór - Páll Viðar Gíslason verður áfram

Fram - Þorvaldur Örlygsson líklega áfram

ÍBV - Heimir Hallgríms ófrágengið

1. deild 2011

Haukar - Andri Marteinsson ófrágengið

Selfoss - Guðmundur Benediktsson ófráfengið