Arteta má ekki spila fyrir England

Mikel Arteta má væntanlega ekki spila fyrir enska landsliðið. Mikil umræða hefur verið uppi á Englandi um að Spánverjinn yrði valinn í enska landsliðið þegar hann hefur búið í fimm ár í landinu.

Hann hefur sjálfur viðurkennt að hann myndi íhuga það alvarlega kæmi sú staða upp.

En enska knattspyrnusambandið benti á vel falda reglugerð um að leikmaður sem spilar fyrir land sitt á hvaða aldri sem er geti ekki spilað fyrir annað land síðar.

Arteta lék með landsliði Spánar fyrir mörgum árum, á Evrópumóti U16 ára liða og HM U17 ára liða.

"Reglurnar segja að hann megi ekki spila fyrir England," sagði talsmaður enska knattspyrnusambandsins.