Árni sigraði í Reykjanesbæ - Gunnar í öðru sæti

Árni Sigfússon, bæjarstjóri og núverandi oddviti sjálfstæðismanna í Reykjanesbæ, fékk yfirburðakosningu í fyrsta sætið í prófkjöri flokksins í gær eða 92%. Hörð keppni var um annað sætið og eftir að fyrstu tölur voru birtar höfðu Böðvar Jónsson og Gunnar Þórarinsson sætaskipti. Þegar upp var staðið fékk Gunnar tæplega 60 fleiri atkvæði en Böðvar í það sæti.

Á kjörskrá voru 2902 og greiddu 1621 atkvæði. Kjörsókn var því um 56%. 66 atkvæðaseðlar voru auðir eða ógildir.

Efstu sjö:

1. Árni Sigfússon með 1378 atkvæði í 1. sæti

2. Gunnar Þórarinsson með 704 atkvæði í 1.-2. sæti

3. Böðvar Jónsson með 703 atkvæði í 1.-3. sæti

4. Magnea Guðmundsdóttir með 709 atkvæði í 1.-4. sæti

5. Einar Þ. Magnússon með 774 atkvæði í 1.-5. sæti

6. Baldur Guðmundsson með 1048 atkvæði í 1.-6. sæti

7. Björk Þorsteinsdóttir með 965 atkvæði í 1.-7. sæti

Kosningin er bindandi fyrir sjö efstu frambjóðendur.