Flugstjórinn lést við stýrið

Flugstjóri breiðþotu frá arabiska flugfélaginu Qatar Airways lést skömmu eftir flugtak frá Filipseyjum í gær. Vélin var á leið heim til Qatars. Aðstoðarflugmaðurinn tók við stjórn vélarinnar og lenti henni í Malasíu. Þar var lík flugstjórans tekið frá borði og skipt um áhöfn áður en haldið var áfram.

Bresk flugmálayfirvöld segja að á síðasta ári hafi það þrjátíu og tvisvar sinnum komið fyrir að aðstoðarflugmenn þurftu að taka við stjórninni vegna veikinda flugstjóra. Ástæðurnar voru ýmsar, svosem matareitrun, magaverkir og yfirlið.