Gazza illa slasaður á sjúkrahúsi eftir bílslys

Paul Gascoigne, vandræðagemlingurinn og fyrrum stjarna enska landsliðsins í fótbolta, liggur nú á sjúkrahúsi eftir að hafa slasast illa í bílslysi í Newscastle.

Gazza er orðinn 43 ára gamall og hefur gengið í gegnum ýmiss vandræði eftir að hann lagði skónna á hilluna. Hann hefur meðal annars glímt við áfengisvandamál og var handtekinn tvisvar á tveimur dögum í tengslum við áfengisnotkun sína í febrúar.

Gazza var farþegi í bíl þar sem ökumaðurinn missti stjórn á bílnum rétt við Tyne Bridge, ók útaf veginum og endaði á staur. 36 ára kona sem ók bílnum er grunuð um ölvun við akstur.

Gazza var annar tveggja farþega í bílnum og slösuðust þeir báðir talsvert. Þeir eru ekki lífshættu en mikið slasaðir. Konan hefur verið útskrifuð úr af sjúkrahúsinu.