Markalaust í Manchester - Fulham vann Birmingham

Markalaust jafntefli var niðurstaðan í stórleik Manchester City og Liverpool.

Leikurinn í Manchester var mjög bragðdaufur. Stuðningsmenn Liverpool gátu þó glaðst á 75. mínútu þegar Fernando Torres kom inn sem varamaður en hann er kominn af meiðslalistanum.

City er enn stigi á undan Liverpool eftir þessi úrslit.

Öðrum leik í deildinni lauk á sama tíma. Fulham vann Birmingham 2-1 en liðin eru bæði um miðja deild. Damien Duff jafnaði fyrir heimamenn eftir að Birmingham náði forystu með sjálfsmarki. Sigurmarkið skoraði svo Bobby Zamora í blálok leiksins.