Meireles kom til Liverpool út af Hodgson

Liverpool er búið að festa kaup á portúgalska landsliðsmanninum Raul Meireles frá Porto. Meireles skrifaði undir fjögurra ára samning við félagið.

Þessi 27 ára miðjumaður kostaði 11,5 milljónir punda og er ætlað að hjálpa til við að fylla það skarð sem Javier Mascherano skilur eftir sig.

Meireles segir að Roy Hodgson, stjóri liðsins, sé ástæðan fyrir því að hann hafi ákveðið að koma.

"Hodgson lagði mikið á sig til þess að fá mig. Ég er samt Meireles en ekki Mascherano. Ég vona að stuðningsmenn Liverpool eigi eftir að minnast mín sem leikmanns sem stóð sig vel."