Ferguson hefur áhyggjur af Hargreaves

Meiðslavandræði miðjumannsins Owen Hargreaves virðast engan enda ætla að taka og Sir Alex Ferguson, stjóri Man. Utd, viðurkennir að hann hafi stórar áhyggjur af málinu.

Bæði hnén á Hargreaves eru illa farinn og hann hefur ítrekað þurft að leggjast undir hnífinn vegna meiðslanna. Hann er ekki enn orðinn góður og mun missa af upphafi tímabilsins í ár.

"Hann meiddist aftur í hnénu er sem er mikið áhyggjuefni. Hann verður í meðferð í Bandaríkjunum þar til hann er klár í að æfa á nýjan leik," sagði Ferguson.

Hargreaves hefur aðeins leikið örfáa leiki í búningi United.