Ungu stjörnurnar eftirsóttar

Strákarnir i islenska U-21 árs liðinu eru eftirsóttir um þessar mundir og þrír þeirra eru á faraldsfæti um Evrópu þessa dagana.

Miðvörðurinn sterki frá Breiðablik, Elfar Freyr Helgason, er staddur hjá AEK í Aþenu þessa dagana en þar er Blikinn Arnar Grétarsson yfirmaður. Elfar fer síðan til Reading þegar verunni hjá AEK lýkur.

Félagi hans hjá Breiðablik, Finnur Orri Margeirsson, og þjálfari þeirra, Ólafur Kristjánsson, eru aftur á móti hjá norska liðinu Lilleström.

Svo er FH-ingurinn Hjörtur Logi Valgarðsson farinn aftur til norska liðsins Viking en sænska liðið Helsingborg og þýska liðið Hannover hafa einnig sýnt honum áhuga.

Allir þessir strákar eru á mála hjá Melar Sport.