Nefnd FIFA ánægð með England og boðið um HM 2018

FIFA hefur sett á laggirnar nefnd sem skoðar boð þjóða í Heimsmeistaramótið árið 2018. Nefndin skoðaði England í vikunni og hreifst af því sem hún sá.

Farið var yfir samgöngur, leikvellina, öryggisgæslu, ástríðu fyrir fótboltanum og ýmislegt fleira. Það helsta sem nefndin setti út á hjá Englandi var gistipláss.

"Heimsmeistaramót í Englandi árið 2018 eða 2022 yrði frábær upplifun og mót sem myndi lifa í minningunni lengi," sagði Harold Mayne-Nicholls, formaður nefndarinnar.

Rússar eru taldir vera helstu keppinautar Englendinga sem setja allt í sölurnar til að fá mótið.

Hópurinn fór meðal annars í skoðunarferð um Wembley, Elland Road, St James' Park og Stadium of Light.

Þá fékk hún túr um Old Trafford í fylgd Sir Bobby Robson og Sir Alex Ferguson.