Drogba eltir fyrstu þreföldu þrennuna síðan 1946

Didier Drogba gæti orðið fyrsti maðurinn til að skora þrennu í þremur leikjum í röð í úrvalsdeildinni. Þreföld þrenna hefur ekki verið skoruð á Englandi síðan 1946.

Þá skoraði Jack Balmer fyrir Liverool en þar áður höfðu aðeins tveir menn gert það, Frank Osborne árið 1925 og Tom Jennings ári síðar.

Drogba skoraði þrennu gegn Wigan á lokadegi síðasta tímabils í 8-0 sigri og einnig i 6-0 sigrinum á WBA um síðustu helgi. Liðið mætir svo Wigan í dag.

Þrennan kom honum einnig upp í sjötta sæti yfir markahæstu menn Chelsea í sögunni. Bobby Tambling (202), Kerry Dixon (193), Frank Lampard (158), Roy Bentley (150) og Peter Osgood (150) eru á undan Drogba (134).