Anderson dauðfeginn að hafa sloppið ómeiddur úr bíslysinu

Portúgalinn Anderson segist hafa verið stálheppinn að hafa sloppið að mestu ómeiddur úr bílslysi í heimalandinu á aðfaranótt laugardags.

Honum var bjargað úr brennandi bílflaki eftir að Audi R8-bifreið hans klessti á vegg. Hann hlaut aðeins nokkrar skrámur en hann er þessa dagana að jafna sig á krossbandssliti í hné.

„Ég er mjög heppinn því þetta var alvarlegt slys. En ég þekki þennan veg vel," sagði hann í samtali við enska fjölmiðla í dag.

„En bíllinn lét ekki af stjórn eftir beygjuna og við klesstum á vegg. Ég man að það kom fólk að hjálpa okkur og er ég afar þakklátur fyrir það."

„Ég vil bara láta stuðningsmenn United vita að ég er í lagi og mun halda áfram endurhæfingu minni svo ég geti hjálpað liðinu á ný sem allra fyrst."