Perez: Vildi gjarnan starfa með Rooney

Florentino Perez, forseti Real Madrid, segist vera spenntur fyrir þeirri tilhugsun að starfa með Wayne Rooney, leikmanni Manchester United.

Rooney hefur verið orðaður við Real Madrid í nokkurn tíma og nú hefur Perez bætt í þær sögusagnir með þessum ummælum sínum sem spænska dagblaðið AS hefur eftir honum.

Fjölmiðlar í Englandi og á Spáni segja Real Madrid reiðubúið að kaupa Rooney á 75 milljónir punda næsta sumar.

Rooney hefur sjálfur ekki komist að samkomulagi um nýjan samning við United enn sem komið er og er sagður leiður á því að vera stöðugt í sviðsljósi fjölmiðla í Englandi.

Ekki fór minna fyrir sögusögnunum þegar að Rooney sagði eftir landsleik Englands og Svartfjallalands í vikunni að hann hefði ekki átt við ökklameiðsli að stríða, eins og Alex Ferguson, stjóri United, hafði haldið fram undanfarnar vikur.