Ferguson: Hernandez og Macheda verða ekki lánaðir

Alex Ferguson, stjóri Manchester United, segir félagið muni ekki lána þá Javier Hernandez og Federico Machedo til annarra félaga nú í vetur.

Hernandez skoraði í sínum fyrsta leik með United þegar liðið vann 5-2 sigur á úrvalsliði MLS-deildarinnar í gær. Macheda skoraði tvö marka United í leiknum.

„Ég þarf að halda þeim Macheda og Hernandez. Þeir spiluðu mjög vel í leiknum," sagði Ferguson. „Það þarf meira en bara hæfileika til að spila fyrir svona stórt félag. Maður þarf eitthvað sérstakt og þeir eru sérstakir. Ég er ánægður með það."