Telja fjölskyldudeilur orsök morðanna í Bretlandi

Rannsóknin á orsökum fjöldamorðanna í Bretlandi þar sem leigubílstjóri skaut 12 manns til bana og særði 25 manns bendir til þess að fjölskyldudeilur hafi valdið morðunum.

Í frétt um málið á BBC segir að leigubílstjórinn, Derrick Bird, hafi átt í deilum við fjölskyldu sína út af erfðaskrá. Bird hóf morðæði sitt með því að skjóta tvíburabróðir sinn og lögmann fjölskyldunnar.

Önnur kenning er reiði Bird í garð annarra leigubílstjóra sem hann sakaði um að stela vinnu frá sér en þriðja fórnarlamb hans var leigubílstjóri sem vann á sömu stöð og Bird.