Trezeguet orðaður við Liverpool

Ítalskir fjölmiðlar orða franska framherjann David Trezeguet við Liverpool í dag. Hermt er að hann verði lánaður til Englands frá Juventus.

Roy Hodgson, stjóri Liverpool, er á höttunum eftir reyndum framherja og því er nafn Trezeguet komið í umræðuna.

Samskipti Juventus og Liverpool eru afar góð en Liverpool keypti Christian Poulsen frá félaginu og lánaði Juve síðan Alberto Aquilani.

Trezeguet hafnaði tilboðum frá mörgum félögum í sumar til þess að vera áfram hjá Juve. Það kæmi því verulega á óvart ef hann endaði síðan hjá Liverpool.