Blair situr ekki aðgerðarlaus

Tony Blair, fyrrverandi forsætisráðherra Bretlands, hefur ráðið sig sem ráðgjafa áhættufjárfestingafyrirtækisins Khosla, sem sérhæfir sig í framleiðslu á umhverfisvænni tækni. Fyrirtækið er starfrækt í Silicon Valley í Kaliforníu.

Blair hefur ekki setið aðgerðarlaus eftir að hann lét af störfum sem forsætisráðherra. Hann tók þátt í kosningabaráttu Verkamannaflokksins fyrir nýliðnar þingkosningar. Þá hefur hann verið sérstakur friðarsendiherra í Mið-Austurlöndum. Hann er jafnframt ráðgjafi hjá JP Morgan bankanum.