Sannfærandi sigur City á Liverpool

Manchester City vann sannfærandi 3-0 sigur á Liverpool í eina leik kvöldsins í ensku úrvalsdeildinni.

Gareth Barry kom City yfir í fyrri hálfleik er hann stýrði sendingu James Milner í netið.

Carlos Tevez bætti öðru marki við í upphafi síðari hálfleik er hann rétt svo náði að koma við boltann eftir að Micah Richards skallaði að marki.

Steven Gerrard átti svo skot í stöng fyrir Liverpool og í kjölfarið náði Joe Hart að verja glæsilega frá David Ngog og Fernando Torres.

Carlos Tevez innsiglaði svo sigurinn með þriðja marki City sem kom úr vítaspyrnu eftir að Martin Skrtel hafði botið á Adam Johnson.

Liverpool er nú í 17. sæti deildarinnar með eitt stig eftir tvær umferðir en City í fjórða sæti með fjögur stig, eins og reyndar sex önnur lið í deildinni.