Lögreglumaður verðlaunaður fyrir að skrá fljúgandi furðuhluti

Breskur lögreglumaður hefur unnið alþjóðleg verðlaun fyrir skráningu á fljúgandi furðuhlutum sem lögreglumenn verða vitni að. Gary Heseltine tók við verðlaununum í Washington fyrir vefsíðu sína prufospolicedatabase, sem hann setti á laggirnar árið 2002.

Í breska blaðinu Telegraph segist hann hafa fengið áhuga á fljúgandi furðuhlutum þegar hann var á gangi með fyrstu kærustunni sinni og sá mjög skært ljós og rafmagnið fór af í hverfinu. Það sé einmitt einn af fylgifiskum þess þegar fljúgandi furðuhlutir komi í nágrenni við íbúabyggð.