McAllister ráðinn aðstoðarmaður Houllier hjá Villa

Gary McAllister hefur verið ráðinn aðstoðarmaður Gerard Houllier hjá Aston Villa. Þetta var tilkynnt er Aston Villa mætti Bolton um helgina en McAllister var á meðal áhorfenda á leiknum.

McAllister þekkir ágætlega til í þjálfarastöðunni en hann hefur áður stýrt Coventry og Leeds. Hann kemur til Aston Villa frá Middlesbrough þar sem hann var í þjálfaraliði liðsins.

McAllister og Houllier þekkjast vel og hafa unnið saman áður en sá síðarnefndi keypti hann til Liverpool á sínum tíma.