Kristján tekur við af Gunnlaugi

Valur hefur tilkynnt að Kristján Guðmundsson verði næsti þjálfari Vals og tekur hann við starfinu af Gunnlaugi Jónssyni.

Vísir greindi frá því fyrr í kvöld að Gunnlaugur myndi ekki halda áfram með liðið en Valur hefur sent frá sér fréttatilkynningu um málið.

„Stjórn knattspyrnudeildar Vals hefur komist að samkomulagi við Gunnlaug Jónssyni um starfslok hans sem þjálfara meistaraflokks karla frá og með 1. október næstkomandi.

Þá hefur stjórn knattspyrnudeildarinnar náð samkomulagi við Kristján Guðmundsson um hann taki við þjálfun meistaraflokks karla frá og með 1. janúar 2011 til þriggja ára.

Kristján hefur mikla reynslu sem þjálfari og hefur starfaði við þjálfun í 26 ár. Hann var síðast þjálfari HB frá Þórshöfn í Færeyjum en frá 2004 til 2009 þjálfaði hann meistarflokk Keflavíkur. Kristján hefur áður starfað við þjálfun hjá Val en hann þjálfaði yngri flokka félagsins 1995 til 1996 en fór þaðan til Malmö FF og starfaði við þjálfun yngir flokka þar, einnig hefur Kristján þjálfað meistaraflokka ÍR og Þórs Akureyri.Þá er Kristján varaformaður Knattspyrnuþjálfarafélags Íslands.

Stjórn knattspyrnudeildar Vals þakkar Gunnlaugi vel unnin störf á liðnu ári og óskar honum velfarnaðar."