Klerkarnir reyna að loka Íran

Stjórnvöld í Íran gera allt sem þau geta til þess að trufla fréttavefi á netinu sem og símasamband, til þess að koma í veg fyrir að fréttir um mótmæli berist útfyrir landamæri ríkisins.

Jafnframt hefur vestrænum blaðamönnum verið neitað um vegabréfsáritanir og sextíu og fimm íranskir blaðamenn eru í fangelsi.

Gríðarlegur mannfjöldi safnaðist saman í Teheran í gær til þess að minnast þrjátíu og eins árs afmælis islömsku byltingarinnar.

Því fylgdu mikil mótmæli og var meðal annars kallað eftir dauða harðstjórans og dauða Khameneis erkiklerks.