Agbonlahor ætlar aldrei að yfirgefa Villa

Stuðningsmenn Aston Villa fengu góð tíðindi þegar Gabriel Agbonlahor lýsti því yfir að hann vilji vera allan sinn feril hjá félaginu.

Þessi 23 ára leikmaður byrjaði í unglingaliðum Villa og hefur verið lengst allra núverandi leikmanna liðsins hjá félaginu.

"Ég sá það um daginn. Ég er öldungur og þarf að minnast á það við félagana að sýna mér meiri virðingu," sagði Agbonlahor léttur.

"Ég hef alltaf verið hér og kann því vel. Svo fylgist maður með mönnum eins og Steven Gerrard og Frank Lampard sem vilja ekki yfirgefa félögin sín. Það er eins með mig. Ég sé enga ástæðu til þess að yfirgefa félagið."