Portsmouth reynir að komast í Evrópudeildina

Portsmouth ætlar að reyna að fá leyfi frá enska knattspyrnusambandinu til að spila í Evrópudeildinni á næsta tímabili. Undir eðlilegum kringumstæðum ætti liðið að hafa tryggt sér Evrópusæti með því að komast í úrslitaleik bikarsins.

Chelsea verður mótherji Portsmouth þar en Chelsea hefur þegar tryggt sér keppnisrétt í Meistaradeildinni. Portsmouth ætti því að fá Evrópusæti en þar sem félagið fór í greiðslustöðvun fær það ekki keppnisleyfi frá UEFA.

Portsmouth er fallið úr ensku úrvalsdeildinni en í bikarnum hefur allt gengið eins og í sögu og liðið vann Tottenham örugglega í gær.