Hafnar Adebayor Real Madrid fyrir City?

Emmanuel Adebayor ætlar að berjast fyrir sæti í liði Manchester City í stað þess að fara til Real Madrid eins og sögusagnir benda til. Hann útilokar þó ekki að hann sé á leiðinni frá City.

„Ég átti jákvætt samtal við stjórann eftir leikinn gegn Spurs en skoðun knattspyrnustjóranna getur breyst. Einn daginn elska þeir þig en næsta dag er staðan óljós. Ég vil ekki horfa of langt inn í framtíðina en hver veit nema að ég fari frá City í janúar," segir Adebayor sem ætlar þó ekki að gefast upp í fyrstu tilraun.

„Ég einbeiti mér eingöngu að því að spila fyrir City og að berjast fyrir sæti í liðinu. Það koma oft erfiðir tíma hjá knattspyrnumönnum og að vera á bekknum í fyrsta leiknum var erfitt. Ég viðurkenni að ég var ósáttur."

Þrátlátur orðrómur hefur verið uppi um að Real Madrid séu tilbúnir til að leggja fram 20 milljóna punda tilboð fyrir þjónustu Adebayor sem hefur fallið niður í goggunarröðinni hjá Roberto Mancini, stjóra City.