Guðjón Pétur Lýðsson samdi við Valsmenn

Guðjón Pétur Lýðsson hefur gert þriggja ára samning við Valsmenn í Pepsi-deild karla í fótbolta en hann stóð sig vel með Haukum í sumar.

„Eftir að hafa hitt þjálfarateymi Vals og skoðað aðstöðuna þá var ekki spurning að hér vil ég vera. Hér get ég orðið betri knattspyrnumaður og hjálpað að koma Val á þann stall sem félaginu ber," er haft eftir Guðjóni í fréttatilkynningu frá Val.

Guðjón er 22 ára miðjumaður og hafði leikið í meistaraflokki frá árinu 2006. Hann lék 21 leik með Haukum í sumar og skoraði 3 mörk.