Forseti Chivas: Seldum Hernandez of snemma

Jorge Vergara, forseti mexíkóska liðsins Chivas, sér eftir því að hafa selt framherjann Javier Hernandez til Man. Utd fyrir sumarið.

Vergara segist hafa viljað halda Hernandez þar til Copa Libertadores-keppninni lauk. Chivas komst þar í úrslit og saknaði Hernandez sárlega er það tapaði fyrri úrslitaleiknum gegn Internacional.

"Það hefði skipt okkur miklu máli að hafa Hernandez í þessum leik. Það voru mistök hjá okkur að leyfa honum að fara svona snemma," sagði Vergara.