West Ham fær sóknarmann frá Ajax

Enska úrvalsdeildarfélagið West Ham hefur gengið frá lánssamningi við  Ajax vegna serbneska sóknarmannsins Miralem Sulejmani.

Þessi 21 árs gamli leikmaður varð dýrasti leikmaðurinn í sögu Ajax er félagið keypti hann af Heerenveen á 13 milljónir punda árið 2008.

"Ég er mjög spenntur fyrir því að spila í sterkustu deild Evrópu. Ég tel mig vera kláran i slaginn og tel það vera næsta víst að ég fái sanngjörn tækifæri hjá West Ham," sagði Sulejmani.

Leikmaðurinn hefur ekki átt upp á pallborðið hjá Martin Jol, þjálfara Ajax, og þess vegna er félagið til í að lána hann.