Umfjöllun: FH-ingar inn í meistarabaráttuna

FH-ingar blönduðu sér virkilega aftur í toppbaráttuna með því að vinna 3-1 sigur á ÍBV á Hásteinsvellinum í Vestmannaeyjum í kvöld. ÍBV hafði unnið sex leiki í röð fyrir leikinn en FH er nú aðeins fjórum stigum á eftir toppliðum Breiðabliks og ÍBV.

Eyjamenn mættu grimmari til leiks og voru að skapa sér nokkur hættuleg færi á fyrsta korteri leiksins. Tryggvi Guðmundsson fékk þar besta færið þegar hann tók við sendingu frá Þórarni Inga en Tryggvi skaut boltanum frammhjá markinu af stuttu færi.

FH-ingarnir vöknuðu þó fljótt og náðu að koma sér vel inní leikinn og það skilaði sér á 26 mínútu þegar Atli Guðnason komst með boltann upp vinstri kantinn, átti gott skot sem Albert Sævarson í marki Eyjamanna sá sein en varði boltan beint út í teig þar sem Freyr Bjarnason átti ekki í nokkrum erfiðleikum með að leggja boltann í netið.

Bjarki Gunnlaugsson meiddist á 21. mínútu en inná í hans stað kom Gunnar Már Guðmundsson sem átti stórleik á miðjunni. Gunnar Már skoraði á  42. mínútu þegar hann tók boltann vel utan teigs og hamraði honum upp í hægra hornið, stórkoslegt mark.

Tryggvi Guðmundsson gamli FH-ingurinn náði svo að minnka munin þegar hann komst upp vinstri kantinn, frammhjá Guðmundi Sævarssyni, Gunnleifur Vignir markmaður FH-inga varði þó boltann í samherja sinn, þaðan fór hann í stöngina en Tryggvi fylgdi vel á eftir.

Þá virtist þetta vera að stefna í spennandi leik en aðeins fimm mínútum síðar skoruðu FH sitt þriðja mark. En Ásgeir Aron varð fyrir því óláni að setja boltann í eigið net þegar hann reyndi að renna sér fyrir sendingu frá Atla Guðna, Ásgeir sem hafði komið inná sem varamaður aðeins mínútu áður náði aðeins að setja tánna í boltann og potaði honum því í eigið mark.

Heimir Hallgrímsson reyndi svo að berja lífi í sína menn og sendi menn framar á völlinn, það opnaði vörn Eyjamanna mikið en þótt bæði lið hafi fengið nokkur dauðafæri náðu þau ekki að nýta sér þau og lokatölur því 1 – 3.

Eyjamenn höfðu aðeins fengið á sig 10 mörk fyrir leikinn en fengu svo 3 í einum og sama leiknum, spurning hvort þeir ættu að leita af forminu sínu í Herjólfsdal?

ÍBV–FH  1-3

0-1 Freyr Bjarnason (26.)

0-2 Gunnar Már Guðmundsson (42.)

1-2 Tryggvi Guðmundsson (50.)

1-3 sjálfsmark (55.)

Áhorfendur: 848

Dómari: Þóroddur Hjaltalín Jr.  6.

Skot (á mark): 13-16 (5-12)

Varin skot: 9 – 4

Horn: 8-1

Aukaspyrnur fengnar: 13-10

Rangstöður: 6-4

ÍBV 4-4-2

Albert Sævarsson  7

Arnór Eyvar Ólafsson 4   

(54. Ásgeir Aron Ásgeirsson 4)       

Eiður Aron Sigurbjörnsson 6

Rasmus Christiansen 6

Tony Mawejje 4

(45. Denis Sytnik 4)

Andri Ólafsson 6

Yngvi Magnús Borgþórsson 5

Þórarinn Ingi Valdimarsson 6

Tryggvi Guðmundsson 6

Danien Justin Warlem 5

(75. Eyþór Helgi Birgisson -)

FH 4-3-3

Gunnleifur Gunnleifsson 6

Hjörtur Logi Valgarðsson 5

(75. Hafþór Þrastarsson 6)

Freyr Bjarnason 7

Björn Daniel Sverrisson 6

Pétur Viðarsson 6

Guðmundur Sævarsson 4

Matthías Vilhjálmsson  6

Bjarki Gunnlaugsson 5

(21. Gunnar Már Guðmundsson  8 Maður leiksins*)

Ólafur Páll Snorrason 8

Atli Guðnason 7

Atli Viðar Björnsson 6