Petrov gæti hafa leikið sinn síðasta leik fyrir City

Búlgarinn Martin Petrov spilar ekki meira þetta tímabilið. Þessi vængmaður Manchester City á við meiðsli í hné að stríða.

Læknar tilkynntu honum að hann þyrfti að hvíla í þrjár vikur til viðbótar og hann getur því ekki tekið þátt í lokaspretti deildarinnar eins og hann hafði vonast til.

Vist Petrov hjá City hefur verið erfið. Hann hefur mikið verið meiddur og var úti í kuldanum meðan Mark Hughes var með stjórnartaumana. Óvíst er hvar hann leikur næsta tímabil eftir að hafa hafnað framlengingu á samningi sínum.