Björguðu tveimur mönnum á Haukdalsheiði - myndir

Björgunarsveitirnar Ingunn og Biskup komu tveimur mönnum til bjargar á Haukadalsheiði í dag er þeir sátu fastir umflotnir vatni sem hafði myndast á veginum í leysingum. voru þeir komnir á pall bílsins og báru sig þokkalega þegar björgunarsveitirnar komu þeim til bjargar.

Mennirnir þurftu að dúsa á palli bílsins í einn og hálfan tíma áður en björgunarsveitirnar komu að þeim. Annar mannanna var orðinn heldur kaldur en varð ekki meint af volkinu.

Björgunin gekk vel að sögn björgunarsveitarmanna.

Mennirnir voru á leiðinni í bústað með bensín á snjósleða þegar þeir fest bílinn. Svæðið er varhugavert og hefur björgunarsveitin farið í nokkur útköll á sama svæði eftir að ferðalangar komust í vandræði.

Eftir að hafa bjargað mönnunum á þurrt land var bíllinn dreginn að Geysir.