Landsliðsþjálfari Brasilíu segir Neymar að fara ekki til Chelsea

Landsliðsþjálfari Brasilíu reynir nú að sannfæra Neymar um að fara ekki til Chelsea. Hinn 18 ára gamli framherji er að íhuga hvort hann eigi að yfirgefa Santos fyrir England.

Neymar er ein af vonarstjörnum Brassa en hann er aðeins 18 ára gamall. Félagaskiptaklásúla er í samningi hans upp á 30 milljónir punda sem Chelsea þarf líklega að punga út.

Neymar er að ræða við fjölskyldu sína um það hvort hann eigi að fara eða ekki.

Mano Menezes, landsliðsþjálfari Brassa er ekki hrifinn af hugmyndinni. "Ég skil Neymar vel en ef ég hugsa um fótboltann í Brasilíu væri æskilegt að hann yrði áfram hjá Santos."

"Liðið er gott og það myndi gagnast báðum aðilum að hann færi ekki strax," sagði Menezes.