Óttast lokun Sólheima

Framkvæmdastjórn Sólheima hefur boðað til blaðamannafundar klukkan tvö í dag.

Samkvæmt tilkynningu er fundurinn boðaður í framhaldi af fundi fulltrúaráðs Sólheima sem fundaði í gær og tók afgerandi ákvarðanir varðandi þá alvarlegu stöðu sem nú er komin upp í rekstri Sólheima.

Samkvæmt heimildum Vísis telur stjórnin að með flutningi málefna fatlaðra til sveitarfélaganna sé brostinn grundvöllur á rekstri heimilisins. Fundurinn verður haldinn í Iðu við Lækjargötu í miðborg Reykjavíkur.