Fjörutíu fórust í sprengjutilræði

Fjörutíu manns hið minnsta létu lífið í sjálfsmorðsárás tveggja hryðjuverkamanna í borginni Lahore í Pakistan í dag.

Árásin var gerð á fjölförnu markaðstorgi og yfir eitthundrað manns slösuðust. Sjónvarvottur segir að hann hafi séð fólk liggjandi á víð og dreif á torginu.

Útlimi vantaði á marga og fólkið lá í stórum blóðpollum. Talið er nokkuð vísts að talibanar hafi verið þarna að verki en þeir hafa gert margar mannskæðar árásir í Pakistan á undanförnum mánuðum.

Pakistanski herinn hefur undanfarna mánuði verið að berja á talibönum í héruðum sem þeir ráða í landinu.