Vitorðsmaðurinn úrskurðaður í gæsluvarðhald

Karlmaður sem talinn er vera vitorðsmaður sjötugs manns sem handtekinn var fyrr í mánuðinum með tæpt kíló af kókaíni í Leifsstöð var í dag úrskurðaður í vikulangt gæsluvarðhald.

Maðurinn var að koma frá Kaupmannahöfn en efnin fundust við reglubundið eftirlit tollgæslu. Hann var yfirheyrður fyrir helgi en grunur leikur á að maðurinn sé burðardýr.

Í gær handtók lögreglan á Suðurnesjum síðan tæplega þrítugan íslenskan karlmann sem er grunaður um að vera vitorðsmaður mannsins og hefur nú verður úrskurðaður í gæsluvarðhald að beiðni lögreglu. Mennirnir tengjast ekki fjölskylduböndum.