Býður Chelsea 40 milljónir evra í Ramos?

Englandsmeistarar Chelsea eru sagðir vera með hægri bakvörðinn Sergio Ramos í sigtinu og er talið að þeir muni bjóða 40 milljónir evra fyrir þjónustu leikmannsins sem leikur með Real Madrid á Spáni.

Samkvæmt spænska blaðinu Marca eru Chelsea tilbúnir til að gera fimm ára samning við Ramos og bjóða honum 10 milljónir evra í laun á ári. Ramos var hluti af liði Spánverja sem urðu heimsmeistarar í Suður-Afríku í sumar.

Chelsea hefur verið í vandræðum með hægri bakvarðarstöðuna eftir að Jose Bosingwa meiddist á síðasta tímabili. Talið er líklegt að Real Madrid hafni tilboðinu nema að Ramos vilji sjálfur fá að yfirgefa Madrid.