Spilar Van Persie með Arsenal á morgun?

Samkvæmt heimildum BBC gæti sóknarmaðurinn Robin van Persie spilað á morgun þegar liðið heimsækir Tottenham í gríðarlega mikilvægum leik.

Þessi 26 ára Hollendingur skoraði átta mörk í ellefu leikjum áður en hann meiddist illa á ökkla í vináttulandsleik gegn Ítalíu í nóvember.

Síðan hann meiddist hefur Arsenal skoraði að meðaltali 1,77 mark í leik en áður skoraði liðið 3,26 mörk að meðaltali. Liðið er þremur stigum á eftir toppliði Chelsea þegar fimm leikir eru eftir.

Chelsea á leik gegn Bolton í kvöld svo Arsenal gæti verið sex stigum á eftir þeim þegar flautað verður til leiks á White Hart Lane annað kvöld.

Van Persie hefur litið vel út á æfingum og bati hans verið hraður síðustu vikur. Þetta eru ekki aðeins góð tíðindi fyrir Arsenal heldur einnig fyrir hollenska landsliðið sem verður í eldlínunni á HM í Suður-Afríku í sumar.