Þjóðahátíð í Álftamýrarskóla

Þjóðahátíð verður haldin í annað sinn í Álftamýrarskóla í Reykjavík milli klukkan eitt og þrjú í dag. Af 350 nemendum skólans eru 17% af erlendum uppruna og eiga að minnsta kosti annað foreldri af erlendu bergi. Nemendur í skólanum eru alls af 25 þjóðernum.

Ráðamenn skólans segjast líta á þessa staðreynd sem tækifæri og styrk í skólastarfinu. Á þjóðahátíðinni munu foreldrar af erlendum uppruna sýna brot af menningu sinni með ýmsum hætti. Þeir sem eru af innlendum uppruna ætla að bjóða upp á lummur og kjötsúpa af gömlum íslenskum sið.