Ekki vitað um átta Íslendinga í Chile

Af 40 Íslendingum sem taldir eru hafa verið í Chile í gær þegar jarðskjálfi skók landið í gærmorgun hafa 32 látið vita af sér en utanríkisráðuneytið hefur ekki heyrt frá átta Íslendingum sem taldir eru vera í Chile.

Íslendingar á vegum Landhelgisgæslunnar og Ísfélags Vestmannaeyja sem staddir voru í borginni Concepcion eru heilir á húfi. Þeir segja hótelið sitt óíbúðarhæft eftir skjálftann og borgina mikið skemmda.

Skjálftinn var 8,8 á Richter og sá stærsti í landinu í hálfa öld. Flóðbylgjuviðvörun var gefin út í 50 löndum og svæðum við Kyrrahaf. Flóðbylgjur virðast ekki vera hærri en tveggja metra háar og er hætta af þeim nú talin lítil.