Tevez að laumupúkast með fyrirsætu?

Argentínumaðurinn Carlos Tevez hjá Manchester City er ekki barnanna bestur ef eitthvað er að marka frétt The Sun í dag.

Tevez gagnrýndi John Terry harðlega fyrir málið kringum Wayne Bridge og kallaði hann siðblindan.

Heimildarmaður The Sun segist hafa séð Carlos Tevez yfirgefa hótel með fyrirsætu sem heitir Mariana Paesani. Á sama tíma var unnusta Tevez og móðir tveggja barna hans, Vanessa, heima með nýfædda dóttur þeirra.

Tevez og Mariana voru eins og ástfangið par í flugvél frá Buenos Airos áður en City lék gegn Chelsea samkvæmt sjónarvottum.

Það virðist ekkert lát vera á framhjáhaldsfréttum af leikmönnum í enska boltanum.